الذي وضعته والاجابة باذن الله الصحيحة حصريا من خلال موقعنا المتخصص في الاجابة عن استفساراتكم واسئلتكم
يا وجودي والهوى قسمة ونصيب
يـمتـحن به حتى من عاش أروعه
عاشر اللي تعاشره كل شي يغيب
ومهما طال الوقت راح إتودعـه
الهـوى رحلـة وانا مسـافر غريـب
واصـل من بعد رحلة مـمتعة
مدري بعدك كيف اباشيل المغيب
وذكرياتي أثقل من الأمـتعـة
بسألك يا هالبعيـد اللي قريـب
باللي حطك بين قلبي وأضلعه
وشهو حل اللي مفارِق له حبيب
لا تـذكـره أو توله يسمعه
اللي عاشك قصة في حلم عجيب
ثـم صـحى مـا حوله إلاّٰ أربعة
حزن وشوق وحظ عيـا لايصيب
وحسرت اللي حي وقلبه مو معه
فـرِقونا حسـود شنسوي نصيب
والنصيب إن كان ما طاعك طعه
ما هي أول مـرة أحلامي تخيب
وانصدم في الناس وإتطيح أقنعة
آنا برحل في مدى الكون الرّحيب
في أمـان اللي عليـك أسـتـودعـه
أمـا عن حسادنا ربك حسيـب
ما تضيق الأرض وعند الله سعـة